Bul másele «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýsııalyq zańynyń 22-1-babyna sáıkes Komıtettiń otyrysynda qaraldy. Qazaqstan Respýblıkasy Premer-Mınıstri Keńsesiniń basshysy Nurlan Aldabergenov Qarjy mınıstri laýazymyna Álıhan Ashanuly Smaıylovty taǵaıyndaý týraly Qazaqstan Respýblıkasynyń Premer-Mınıstriniń usynysyn depýtattar qaraýyna usyndy.
Májilistiń Qarjy jáne bıýdjet komıtetiniń músheleri Á. Smaıylovqa birqatar suraqtar qoıdy. Sondaı-aq, elimizdiń salyq jáne bıýdjettiń kiris bóligin arttyrý, qarjy resýrstaryn jumsaýdy baqylaý sharalaryn kúsheıtý, sonymen birge bıýdjet qarajaty esebinen júzege asyrylatyn baǵdarlamalardyń qorytyndy nátıjelerine qol jetkizýge qatysty pikir almasty. Otyrys sońynda tıisti Qorytyndy qabyldandy.
Ol «Qazaqstan Respýblıkasy Parlamenti Májilisiniń Qarjy jáne bıýdjet komıteti «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýsııalyq zańynyń 22-1-babyna sáıkes Qazaqstan Respýblıkasynyń Premer-Mınıstri usynǵan Álıhan Ashanuly Smaıylovtyń kandıdatýrasyn qarap, atalǵan kandıdatýrany Qazaqstan Respýblıkasynyń Qarjy mınıstri laýazymyna taǵaıyndaý úshin usynýǵa bolady dep esepteıdi». Depýtattar kandıdatqa aldaǵy jumysyna tabystar tiledi.
